Taliadau i Aelodau Cyngor Gwledig Llanelli
O dan Fesur Llywodraeth Leol (Cymru) 2011, mae cynghorau cymuned a thref yn awdurdodau perthnasol at ddiben taliadau.
O ganlyniad, mae gan unigolion sydd wedi derbyn swydd fel aelod (cynghorwyr) o Gyngor Gwledig Llanelli hawl i dderbyn taliadau fel y pennir gan Banel Annibynnol Cymru ar Gydnabyddiaeth Ariannol (IRPW). Mae’n ddyletswydd ar swyddog priodol y cyngor (y Rheolwr Cyllid yn yr achos hwn) i drefnu i daliadau cywir gael eu gwneud i bob unigolyn sydd â hawl i’w derbyn.
Gall aelod wrthod derbyn rhan, neu’r cyfan, o’r taliadau os yw’n dymuno. Rhaid gwneud hyn yn ysgrifenedig ac mae’n fater unigol. Rhaid i unrhyw aelod sy’n dymuno gwrthod taliadau ysgrifennu at y swyddog priodol i wneud hynny.
At ddibenion tâl, caiff y cyngor ei gategoreiddio fel cyngor grŵp 1 oherwydd bod mwy na 14,000 o etholwyr yn ei etholaeth. Mae Tabl 1 isod yn nodi’r math o daliadau y mae’n rhaid i’r cyngor (gorfodol) neu y gall (dewisol) eu gwneud i’w aelodau:
Gwneud Taliadau i Aelodau
Mae gan bob aelod, gan gynnwys aelodau cyfetholedig, hawl i hawlio cyfraniad tuag at gostau gofal a chymorth personol, ar gyfer gweithgareddau y mae’r cyngor wedi eu dynodi fel busnes swyddogol neu ddyletswydd gymeradwy a allai gynnwys amser paratoi ac amser teithio priodol a rhesymol.
Mae costau gofal a thaliadau cymorth personol yn drethadwy o dan reolau cyfredol HMRC felly nid yw ad-daliad llawn yn bosibl. Gellir gwneud hawliadau mewn perthynas â dibynnydd o dan 16 oed, neu blentyn dan oed neu oedolyn sydd fel arfer yn byw gyda’r aelod fel rhan o’i deulu ac na ellir ei adael heb oruchwyliaeth. Rhaid anfon derbynebau gyda’r hawliadau. Bydd cyfraniad tuag at gostau gofal a thaliadau cymorth personol yn cael ei awdurdodi ar gyfer
- Costau gofal ffurfiol (wedi’u cofrestru gydag Arolygiaeth Gofal Cymru) i’w talu fel y dangosir;
- Costau gofal anffurfiol (anghofrestredig) i’w talu hyd at gyfradd uchaf sy’n cyfateb i gyfradd fesul awr y Cyflog Byw Gwirioneddol fel y’i diffinnir gan y Sefydliad Cyflog Byw ar yr adeg y bydd y costau yn digwydd.
Mewn perthynas â’r taliadau gorfodol eraill, nid oes angen penderfyniad a bydd aelodau’n derbyn arian y mae ganddynt hawl briodol iddo fel mater o drefn.
Gall y cyngor fabwysiadu unrhyw rai, neu bob un, o’r penderfyniadau nad ydynt yn orfodol a nodir isod ond wrth wneud hynny, rhaid iddynt fod yn berthnasol i’w holl aelodau.
Mae Tabl 2 yn nodi penderfyniadau’r IRPW ar gyfer y sector cynghorau cymuned a thref ar gyfer 2022/23 ac os oes angen penderfyniad gan y cyngor mewn perthynas â phob un. Mae penderfyniad rhif 44 yn y tabl bellach wedi’i ddiweddaru ers cyhoeddi penderfyniadau’r sector cynghorau tref a chymuned ar gyfer 2022/23 ac mae’r diweddariad hwn wedi’i adlewyrchu yn y tabl.
Mae pob aelod yn gymwys i gael y £156 a nodir ym Mhenderfyniad 44 fel arfer o ddechrau’r flwyddyn ariannol; oni bai eu bod yn cael eu hethol yn ddiweddarach yn y flwyddyn ariannol, ac os felly maent yn gymwys i gael taliad cyfrannol o’r dyddiad hwnnw.
Mae symiau eraill sy’n daladwy i aelodau i gydnabod cyfrifoldebau penodol er enghraifft, arweinydd y cyngor (Penderfyniad 45), cadeirydd y cyngor neu is-gadeirydd (Penderfyniadau 50 a 51) yn daladwy o’r dyddiad y mae’r aelod yn ymgymryd â’r rôl yn ystod y flwyddyn ariannol. Ar gyfer blwyddyn yr etholiad bydd yr un trefniadau ag a nodir uchod yn berthnasol.
Mater i’r cyngor yw gwneud, a chofnodi:
- pryd yn union y gwneir y taliad i’r aelod;
- faint o daliadau y caiff y cyfanswm sy’n daladwy ei rannu iddynt
- a ph’un ai a sut i adennill unrhyw daliadau a wnaed i aelod sy’n gadael neu’n newid ei rôl yn ystod y flwyddyn ariannol.
Mae taliadau mewn perthynas â Phenderfyniadau 46 a 47 yn daladwy pan fydd y gweithgaredd y maent yn ymwneud ag ef wedi digwydd.
Cliciwch i weld Lwfansau Cynghorwyr am 2023-2024
Cliciwch i weld Lwfansau Cynghorwyr am 2022-2023
Cliciwch i weld Lwfansau Cynghorwyr am 2021-2022
Cliciwch i weld Lwfansau Cynghorwyr am 2020-2021
Cliciwch i weld Lwfansau Cyngorwyr am 2019-2020
Cliciwch i weld Lwfansau Cynghorwyr am 2018-2019
Cliciwch i weld Lwfansau Cynghorwyr am 2017-2018
Cliciwch i weld Lwfansau Cynghorwyr am 2016-2017
Cliciwch i weld Lwfansau Cynghorwyr am 2015-2016
Cliciwch i weld Lwfansau Cynghorwyr am 2014-2015
